[retour à un affichage normal]

Mazarinade n° D_1_49

Image de la page

Anonyme [1651], LE MANIFESTE DE LA REINE REGENTE ET DE MONSEIGNEVR LE DVC D’ORLEANS Touchant la disgrace du Cardinal Mazarin. , françaisRéférence RIM : M0_2358. Cote locale : D_1_49.

ny auroit pas moins de gloire d’abandonner le
party de celuy dont elle soustient la cheute malgré
toutes les forces de l’Estat ; que dauantage à le sacrifier
à la haine publique, pour se remettre dans
la mesme estime qu’elle auoit autresfois, & dont
elle n’est d’écheuë que pour auoir voulu faire subsister
la fortune de ce mal-heureux fauory. Mais
ie voudrois principalement qu’elle empruntast les
motifs d’vne si digne resolution, des connoissances
que l’experience du genie de son Ministre
luy peut auoir donné ; & qu’elle remarquast que
cét Italien n’ayant iamais agy que par les maximes
de son ambition & de son interest, quelque
obligation qu’il eut bien souuent de regler sa politique
sur des idées plus genereuses, elle ne pourra
que fort temerairement esperer, qu’il se comporte
autrement en son endroit, lors que la maiorité
luy fera voir vn degré de grandeur plus éleué
que celuy qu’il possede maintenant : Elle sçait
fort bien que l’interest & l’ambition luy ont fait
opposer des obstacles à la paix de Munster, pour
acheuer de perdre la France qu’il auoit neantmoins
si bien seruie deuant Cazal ; que les mesmes
motifs luy ont fait abandonner le secours de
Naples pour y faire perir le Duc de Guise, en haine
de ce que les Napolitains l’auoient prefere à
Frere Michel, Iacobin de la grand manche, Cardinal
de Sainte Cecile, que Mazarin leur vouloit