[retour à un affichage normal]

Mazarinade n° B_14_29

Image de la page

Anonyme [1652], LE MANIFESTE DE MONSIEVR DE CHASTEA-VNEVF Touchant les raisons de sa retraite hors de la Cour. , françaisRéférence RIM : M0_2374. Cote locale : B_14_29.

complice du dessein de son restablissement, contre
lequel neantmoins ie m’estois constamment opposé
auec tout autant de vigueur qu’on en pouuoit exiger
de celuy qui n’a iamais regardé que les interests publics.
 
En effet, i’estois sur le point de me retirer, lors
qu’on m’escriuit de paris, qu’il estoit encor expedient
pour le bien de l’Estat, que ie ne bougeasse point d’auprez
de leurs Maiestez, & que les dispositions que S.
A. R. & le Parlement témoignoient auoir pour s’opposer
au passage du C. Mazarin, faisoit croire aux
plus sensez que si ce Cardinal poussoit plus auant, il
se mettroit en’estat de ne pouuoir point reculer quand
il le desireroit peut-estre bien, & de ne pouuoir point
rompre les obstacles qui luy seroient opposez auant
que d’arriuer en Cour. Ie n’eus pas grand’peine de
m’abandonner à l’esperance d’vn si grand bon-heur,
parce qu’outre l’intelligence parfaite que ie sçauois
estre entre S. A. R. & M. le Prince ; il me sembloit
que ce retour deuoit alarmer tout l’Estat, & qu’il ne
deuoit point estre de Commune qui ne se souleuast
pour courir sus à ce perturbateur du repos public,
apres les grandes & generalles imprecations dont
on auoit accompagné sa disgrace. Et cette croyance
me fit encor surseoir le dessein de ma retraite, que la
politique me fit differer, iusqu’à ce que la presence
de celuy qui estoit incompatible auec moy, ne laissast
plus de pretexte à la resolution que i’auois prise
de sortir de la Cour, dés que le C. Mazarin y auroit
mis le pied.
On a beau se premunir contre l’iniustice des destins ;