[retour à un affichage normal]

Mazarinade n° B_14_29

Image de la page

Anonyme [1652], LE MANIFESTE DE MONSIEVR DE CHASTEA-VNEVF Touchant les raisons de sa retraite hors de la Cour. , françaisRéférence RIM : M0_2374. Cote locale : B_14_29.

fouler aux pieds les esperãces de toute sorte d’agrandissement,
puis que les mauuais destins de la France
le remetoit en estat d’estre le Souuerain autant qu’iniuste
dispensateur de toutes nos fortunes.
 
La Cour ne manqua pas de m’opposer fortement
les menaces de l’indignation de sa Maiesté, dont elle
me faisoit apprehender les redoutables effets, si ie
continois dauantage à m’opiniastrer au dessein d’vne
retraite : mais enfin la sincerité de mes aduis ne
luy ayant peu estre suportable, par la grande habitude
qu’elle auoit à n’entendre que des flateries ; Et le
C. M. voulant estre absolu dans ses conseils sans que
persone fut en estat de luy pouuoir cõtredire auec aucune
égalité de pouuoir ; elle a esté obligée par ce motif
de complaire aux ardentes poursuites que ie faisois
pour estre congedié, & de ne diferer plus de me donner
l’assouuissement de mes desirs, en m’eslargissant
d’vne captiuité ou ie deuois viure en esclaue, puis que
la liberté de mes conseils y deuoit estre asseruie sous
la tyrannie du Mazarin,
On s’est neantmoins auisé par vne iniuste politique,
de consentir à ma retraite, pour determiner le
lieu de mon seiour, & sur l’apprehension raisonnable
qu’on a eu, que si ie paroissois dans Paris apres ma disgrace,
ie serois pour acheuer d’y décrier le party Mazarin,
non tant par les inuectiues qui ne sont ny de
mon naturel ny de la bien-seance de ma condition,
que par la part que les peuples prendroient dans mes
interests ; on m’a commandé de me retirer en vne de
mes maisons dans l’Angoumois, sans autre pretexte
que celuy qu’on a emprunté de l’authorité da sa Maiesté