[retour à un affichage normal]

Mazarinade n° B_18_5

Image de la page

Anonyme [1652], LE MERCVRE DE LA COVR, OV HISTOIRE COMIQVE DE CE TEMPS. Contenant tout ce qui se passe, tant à la Cour qu’à Paris. CINQVIESME PARTIE. Turbatus est à furore oculus meus, inueteraui inter omnes inimicos meos. Psalm. 6. , français, latinRéférence RIM : M0_2452. Cote locale : B_18_5.

de la maiorité du Roy, & les honneurs qui
luy estoient rendus de toutes parts, il s’escrioit,
Dies mei sicut vmbra declinauerunt : & ego sicut fœnum
arui. O que i’estois heureux en ce temps-là,
que i’allois par tout librement sans aucun danger,
& maintenant, Similis factus sum pellicano : &
factus sum sicut nicticorax in domicilio Ie n’ose plus
me monstrer que la nuit, comme le hibou. Enfin
ayant passé toute la nuit en inquietude, & nonplus
dormy qu’vn Lutin. Il enuoya le lendemain
matin auertir tous ses amis pour deliberer sur ce
qu’il auoit à faire, lesquels estans venus à l’heure
qu’il leur auoit donnée, il leur tint ce langage :
 
Mes amis, vous sçauez ce qui se passe à Paris,
& comme ils traitent les Mazarins, ainsi appellent-ils
tous ceux qui seruent le Roy, ils en veulent
aussi bien à vous autres comme à moy, c’est
pourquoy nous sommes tous interessez à nous
deffendre, estans de la compagnie de Roquelaure,
qui toque l’vn toque l’autre, c’est ainsi que
nous deuons viure, il faut abaisser le caquet de
ces gens-là, & ne se pas laisser manger la leine sur
le dos, il leur faut monstrer que nous ne sommes
pas des bestes : ils ont voulu leuer de l’argent dans
Paris, pour nous chasser tous comme des teigneux,
mais i’y ay donné bon ordre, car ils n’y
leueront pas la maille. I’ay fait courir le bruit,
par le moyen des Colonels & Dixiniers, qui sont