[retour à un affichage normal]

Mazarinade n° B_20_10

Image de la page

Anonyme [1652], LE MIROVER DE LA REYNE. Luy representant tous les desordres de sa Regence. ET LVY DONNANT D’INFAILLIBLES moyens pour les reparer. , françaisRéférence RIM : M0_2482. Cote locale : B_20_10.

& que le feu commença de s’allumer pour aller
par apres deuorer toutes les Prouinces, & puis retourner
à sa source y faire vn dernier effort.
 
Cette leuée de bouclier qu’on qualifie du titre d’enleuement
du Roy, a ruiné l’épargne, incommodé les
grands & plus aysez du Royaume, & mis à sec la meilleure
partie des familles particulieres.
Dans la iuste apprehension que vous auiez que toute
la hayne publique ne vint à tomber sur le Mazarin vous
pristes la resolution de la rejetter sur M. le Prince qui
en auoit esté le principal instrument, vous suiuistes le
Conseil trop precipité que vous donna vostre Ministre
de le faire arrester, mais son innocence ayant éclatté
par dessus tant d’impostures dont il le surchargeoit, la
Iustice vous a obligée à le lascher, & contraint vostre
fauory d’abandonner la France pour vn temps auec la
malediction de tout le monde, & poussé par vn Arrest
du Parlement irrité de ses procedures.
I’oubliois la prison de Monsieur de Beaufort, qui n’eut
iamais de cause legitime, si ce n’est que l’enuie que luy
portoit le Cardinal, vous l’ait fait trouuer digne d’vn
traittement si rigoureux, bien qu’en effet il ne merite
que de la gloire & des Couronnes.
Si vous vous regardez bien dans ce miroir, MADAME,
vous vous remarquerez toute enuironnée d’intrigues,
de fourbes, de tromperies, de laschetez, de perfidies,
que vos Courtisans ont mis en vogue aupres de
vous pour s’assurer des diuerses pretentions qu’ils ont
de profiter du debris de vostre puissance.
Vostre Ministre entre tous les autres introduit adroittement
ces lasches practiques pour se conseruer encore
dans vostre esprit pendant son Exil, & dans l’esperance
qu’il a de reuenir aupres de vous, il fait joüer tous
les resorts que son esprit fertile en fourbes est capable
d’inuenter pour entretenir vostre bonne volonté en son