[retour à un affichage normal]

=> Afficher la page
=> Afficher la notice

Occurrence 421. Anonyme. ADVIS SINCERE AVX BOVRGEOIS DE PARIS. (1652) chez [s. n.] à [s. l.] , 46 pages. Langue : français. Référence RIM : M0_543 ; cote locale : B_17_11. le 2014-11-26 16:16:53.

formé ne mandassent lors, pour estre instruits des moyens par lesquels
ils pourroient nuire au Roy, ou à ses affaires. Il n’y eut pas
iusques aux Paysans des Villages circonuoisins, que l’on fit attrouper
& venir en foulle au Palais demander d’estre deschargez de la
Taille. Ils vous firent inspirer en mesme temps qu’il falloit obtenir la
descharge des Aydes, de l’entrée du Vin, du Pied fourché & autres
impositions. Pour cet effet l’on fit solliciter les Cabarettiers
& les Bouchers, qui occupoient iournellement le Palais & le
remplissoient de clameurs. Vous donnastes, Messieurs, stupidement dans ce piege ; vous
ne considerastes pas que vostre Ville ne supporte aucunes autres
impositions, que celles qui sont communes aux autres Villes franches
comme la vostre. Et que le Roy ne sçauroit faire aucune décharge
ou remise de ces sortes d’impositions, qu’au mesme temps
il ne retranche vos Rentes ? puis qu’il ne soustient plus les Fermes
des Aides, Gabelles, & autres que pour vous en faire payer,
n’en reuenant rien en son Espargne, apres les charges payées &
acquittées. Ce dessein dont l’artifice cachoit le venin, vous les
fit auoir en estime de Peres du peuple. Et il ne se tenoit plus aucune
sceance en la Chambre de S. Louis, qu’à vostre poursuitte &
instance, & il ne se fit quelque arresté pour descharger des impositions,
& pour retrancher les reuenus du Roy. Remarquez cependant la conduite de ceux qui vous ont perdus,
& la vostre. Le Roy estoit aux prises auec l’ennemy de l’Estat.
Il estoit sur le point de conclure vne paix honnorable, ou de l’obliger
par la force des armes de l’accepter. Pour y paruenir ; il
estoit important, voire necessaire, que les mesmes secours de forces
& de finances continüassent. Et vos nouueaux Peres du peuple
arrestent iournellement des restablissemens de rentes, gages,
droicts & autres charges pour des sommes immenses : & en mesme
temps des descharges tant sur les Tailles, que sur les Droicts des formes qui n’alloient pas à moins de seize millions de liures
par chacun an. N’estoit-ce pas entreprendre ouuertement la ruїne
de l’Estat ?   Tant plus le Conseil vsoit de prudence, tant plus les autheurs de
vos maux se portoient auec vehemence à faire les choses qui pouuoient
nuire, le Roy fit expedier deux Declarations, apres lesquelles
il y auoit apparence que ces Assemblées deussent cesser :
sa Maiesté fut mesme au Parlement les faire enregistrer. Elle réstablit
par icelles vne partie des gages & des droicts des Officiers :
elle pourueut au payement des rentes, elle reuoqua toutes sortes
de Commissions extraordinaires, elle establit vne Chambre de
Iustice, remit vne partie des Tailles à ses Sujets, & tous les arrerages
iusques à la fin de l’année 1646. Et generalement elle pourueut
à la plus grande partie des choses qui auoient esté traitées
dans la Chambre de Sainct Louys. Mesme elle destitua les principaux
Ministres de ses Finances. Cela fut encore inutil pour
vaincre leur opiniastreté. Toutes ces choses se passerent dans les mois de May, Iuin, &
Iuillet de l’année 1648. Le mois suiuant nous fit voir les mauuais
effects de ses funestes assemblées. Le Roy ayant esté au mois de
Iuillet obligé par ces desordres de manquer à ceux qui luy auoient
fait des prests & des aduances sur ses reuenus, les particuliers
voulurent en mesme temps retirer des mains de ces personnes
là les deniers qu’ils leurs auoient prestez, & vn chacun en vsa
ainsi enuers ses debiteurs. Les effects qui s’en ensuiuirent, vous
les sçauez, Messieurs, puis que vous les auez ressentis par la
liaison qui tient tout le monde attaché à la foy publique. Quand
elle fut vne fois violée, nous vismes vne infinité de faillittes ; non
seulement dans Paris, mais dans toutes les villes de commerce
de France & des pays Estrangers. Ie ne vous exaggereray point les maux qui ont coulé de cette
source : la cessation du commerce, la cherté de toutes denrées &
marchandises par la perte du credit, la dureté des peuples à acquitter
les impositions, la desolation de plusieurs familles par la
perte de leurs biens, la pauureté où cette faillite publique a reduit
vos artisans, ostant aux plus aisez les moyens de les faire trauailler. Si ces pretendus Peres du peuple eussent esté capables de moderation,
ces maux les eussent sans doute touchez, ils fussent reuenus
à eux : mais tant s’en faut, il ne se passe aucune iournée sans que les Communautez sollicitées par les factieux, n’aillent
au Palais demander des descharges des impositions du Roy, ou
des droicts des Officiers. Il n’y a establissement pour ancien
qu’il soit, que l’on ne recherche, & n’y a point de famille qui
puisse estre asseurée du bien qu’elle possede.   Vn Broussel fameux artisan de vos maux, celebre republicain
en nos iours, & qui en fin a fait voir où visoit sa sombre & violente
ambition, se chargeant de toutes ces Requestes. Cét homme
qui dans le procés ordinaire de parties fait languir le pauure &
le necessiteux, & duquel on n’a iamais eu expedition dans les affaires,
apportoit vne diligence incroyable, à faire les choses qui
pouuoient causer du trouble & de l’incommodité au public &
aux particulier. Vous l’auez veu, Messieurs, en ces temps. là suiui
allant au Palais d’vne infinité d’hommes, qui le publioient Pere
du peuple S’il vous souuient des clameurs qui s’excitoient
dans le Palais, c’estoit de la communaute des Cabarettiers qui
s’y trouuoient en grand nombre, pour demander la descharge de
l’entrée du vin, & des droicts des Vendeurs. C’estoit celle des
Bouchers qui demandoient la descharge du Pied-fourché, &
tout cela, non pour l’interest public, mais par vn monopole concerté.
Verité dont vous deuez estre conuaincus, puis que les descharges
que sa Maiesté eut depuis la bonté d’accorder, n’ont
tourné qu’à l’auantage particulier de ces personnes là sans que
le peuple en ait profité. Aussi ces sortes d’impositions sont si legeres,
qu’elles sont imperceptibles en detail, & neantmoins c’est
le fonds de vos rentes & de vos reuenus, que vous auez laissé perir
par lascheté. Vn particulier d’entre-vous qui auroit esté interessé
dans la continuation des impositions, qui ont esté supprimées
dans la ville de Paris, de dix liures ou plus par chacune année,
a contribué à faire perdreau Roy deux millions de reuenu,
& a perdu l’esperance de voir les reuenus de ses rentes restablis ;
puis que le Roy n’en est debiteur que tant que les fonds sur
lesquels elles sont assignées subsisteront. Le Roy voyant que ces choses alloient à l’exceds, & qu’vne
plus longue tollerance pourroit auoir des suittes de maux sans remede,
fut conseillé de faire arrester prisonniers les principaux
Autheurs de ces entreprises ; & comme lors que sa Maiesté est
presente à quelque ceremonie publique, elle y a nombre de gardes
on en choisit vn pour l’execution de cet ordre, afin d’estre
en estat de reprimer la violence de la canaille, dont Broussel s’estoit
acquis la faueur. C’est icy, Messieurs, le pas glissant que vous auez fait. C’est l’occasion
dans la quelle vous auez preferé Broussel, vn broüillon, vn
pedant vn republicain & vn criminel d’Estat ; à l’obeissance que
vous deuez à vostre Souuerain, vous vous estes barricadez dans
vostre ville, vous auez crié viue Broussel, vous auez menacé les
armes à la main de mettre tout à feu & à sang, si lon ne rendoit
Broussel. Ne vous en excusez pas sur la canaille, & ne dites pas
comme vous faites ordinairement, qu’il est bien estrange que lon
eust choisi le iour destiné à vne réjouissance publique, pour cette
execution. Car quel interest y auez-vous ? y a il quelque iour dans
l’année ou dans le cours des affaires du monde qui vous dispence
de l’obeissance, ou qui vous permette de vous esleuer contre les
volontez de vostre Souuerain ? Et quand à la canaille, il est vray
que le iour de cet emprisonnement l’on en vit dans les ruës, mais
deuant la fin de la iournée cela fut dissipé & tout le monde sçait
qu’il ny eut iamais à Paris, vne nuit plus tranquille que celle qui
suiuit cette iournée. Qui est-ce qui entreprit le lendemain matin
le premier ouurage de la sedition, qui commença par vn assassinat
en la personne du Chef de la Iustice & des siens ? Ne fut-ce pas des
personnes qualifiées parmy les Bourgeois ? Fut-ce en suitte des
canailles qui se barricaderent par toute la ville ? N’est-il pas vray
que ce fust vous ; Messieurs, qui ne peustes souffrir vne execution
de Iustice ordonnée par vostre Souuerain ? Ne fust ce pas vous
que pour vne personne de nulle valleur, pristes les armes, leuastes
les chaisnes, portastes des barricades & des sentinelles iusques à
la garde du Roy ; & qui menaçastes de mettre tout à feu & à sang
si l’on ne vous rendoit vostre Tribun ? Pour moy quand ie fais comparaison de cette iournée auec celle
qui se passa le quatriesme Iuillet dernier, ie demeure suspens
& estonné. Ie ne puis discerner si vous agissez librement, ou par
les mouuemens d’autruy, s’il y a en vos conduites de l’aueuglement,
ou de la rage, vous ne pouuez, sans vous porteraux dernieres
extremitez, supporter vne execution de Iustice qui se fait par
les ordres de vostre Souuerain contre vne personne qui vous deuroit
estre en execration. Et vous voyez à vos yeux les plus celebres
personnes de vostre ville de toutes qualitez & professions,
deputez des quartiers, assemblez dans l’azile public pour pourueoir
à vostre seureré, assassinez & embrasez par l’ordre de vos
tirans. Durant cette horrible tragedie qui fait couler le sang de
vos concitoyens, vous demeurez enfermez dans vos maisons, vous ne faites pas vne démarche pour aller à leurs secours, vous
les laissez massacrer inhumainement, que n’auez-vous fait à lors
ces barricades ? s’il y en peut auoir de iustes, c’est en cette rencontre,
que ne les auez-vous portez iusques dans les portes de vos
tirans pour les faire eux mesme perir & vous mettre en liberté ?
Où est en suitte la vengeance que vous auez poursuiuie de ce paricide
public ? n’auez-vous pas deu, & deuriez-vous pas encore, si
vous auez du cœur & du courage, exterminer tous ceux qui peuuent
estre soubçonnez d’y auoir eu part. Il n’y a respect de condition
que vous deuiez preferer au salut public.   Voyla, Messieurs, l’estat auquel Dieu permet que les peuples arriuent,
lors qu’ils abandonnent le respect deu aux Souuerains,
establis par luy, pour courir à des pretextes de liberté imaginaire.
C’est l’esprit de vertige que Dieu mesle parmy eux, qui leur fait
en fin creuser eux mesmes l’abysme de leur perte, & trouuer leur
ruїne inéuitable. De cette digression, ie reprendray la suitte de vos barricades,
Broussel vous fut rendu, le Roy voulut bien oublier vostre crime
& pour moy ie tiens pour certain que le trop de bonté & d’indulgence
que sa Majesté à eu pour vous, est l’vne des causes principales
de vos mal heurs & de nos miseres presentes. Vne personne plus moderée & qui eust eu plus de probité que
Broussel, se fust trouué confuse elle mesme, elle se fust condamnée
comme criminelle, d’auoir acquis l’amitié & le credit du peuple, &
encore par des voyes si scandaleuses & si punissables. Car en vn
Estat Monarchique, c’est vn crime, & des plus capitaux, que de
s’acquerir le credit des Peuples au prejudice du Souuerain. Le
seul soubçon en cela faisoit autrefois exiler des grands Personnages,
vtiles d’ailleurs & fort innocens. Sans doute, vn autre que
Broussel eust eu recours au Roy, il se fut retiré des affaires, il
n’eust pas voulu estre dauantage la pierre de scandalle & alors sa
moderation eust esté loüée, mais cet homme tout au contraire,
n’en deuient que plùs fier & plus audacieux. Il continuë ses mesmes
pratiques, il deuient vn illustre parmy vous, il n’y a coing de
ruë ou l’on ne voye son Portrait ; luy qui fust demeuré enseuely
dans l’obscurité s’il ne se fust esleué & fait cõnoistre par la faction. Vous mesmes, Messieurs, imputastes à foiblesse du gouuernement,
la bonté que le Roy auoit euë de mettre en liberté ce seditieux.
Vous creustes qu’il y auoit de la seureté à entreprendre dauantage.
Les Assemblées du Parlement continuent sur vos clameurs, & vos clameurs sont excitées par des personnes qui portent
leurs desseins bien plus auant que vous : & qui se seruent de
vostre foiblesse & de vostre legereté pour s’establir.   Il sembloit que les vacations du mois de Septembre deussent
faire separer le Parlement, & que deux mois de temps pourroient
ralentir le courage de ces esprits emportez. Mais ils creurent en
auoir trop fait pour demeurer en si beau chemin. De leur authorité
priuée ils continuent le Parlement, & toutes leurs Assemblées
ne vont qu’à affoiblir le Roy. Ils deputent souuent à S. Germain
en Laye, où le Roy s’estoit retité apres les barricades, & pour faire
approuuer des descharges & des remises d’impositions qu’ils
arrestoient par vn dessein premedité de broüiller & de nuire. Ils
mettoient en auant qu’ils n’auoient plus l’authorité, ny le pouuoir
de vous contenir, qu’il n’estoient pas en seureté de leur vie,
s’ils retournoient sans les asseurances de ces descharges. Si déslors le Roy les eust laissé se desmeller de ces factieuses entreprises,
nous n’aurions pas veu tous les éuenemens tragiques qui
ont depuis mal-heureusement ensanglanté le theatre de la France,
& s’il est vray que vous les pressassiez de si prés, vous en eussiez
vengé le Roy. Mais comme la Reyne dont le courage est égal à sa
naissance, & la vertu au dessus de toutes les calomnies, par vne sagesse
& bonté digne d’elle, à tousiours eu dessein de faire regner
le Roy, plutost par la douceur que par la force, elle creut par l’aduis
des Princes, que pour preuenir les maux qui pourroient s’en
ensuiure il estoit à propos de leur accorder ce qu’ils demandoient. Aprés donc plusieurs conferences, & autant de resistance qu’il
s’en peut imaginer on leur accorde enfin cette Declaration du
mois d’Octobre 1648. elle est dressée par eux-mesme, expediée
& seellée sans y rien changer. C’est, Messieurs, cette piece fatale à l’Estat, qui fait voir
qu’ils n’ont autre dessein que d’affoiblir l’authorité Royale, décrediter
les affaires du Roy, ruiner plusieurs familles, se soustraire
du pouuoir Royal, & faire perdre à sa Maiesté vingt millions
de liures de reuenu, en vn temps auquel l’Estat ne pouuoit subsister
des reuenus establis. Aussi est-ce ce maudit ouurage qui a
rendu la France de victorieuse & triomphante qu’elle estoit, le
Theatre de la guerre, & le seiour des armées estrangeres & ennemies :
& qui a inspiré l’audace à tant de monde, sous pretexte de
la liberté pretenduë acquise par cette pretenduë Declaration, de
se mesler dans les affaires publiques, & d’y introduire la confusion que nous y auons veuë, qui fait gemir tous les bons & veritables
François.   C’estoit neantmoins à les oüyr parler vn remede, par le
moyen duquel ces nouueaux Politiques pretendoient auoir guery
tous vos maux. C’estoit, disoient-ils, vn moyen d’establir le
commerce, de soulager les miserables, de faire naistre l’abondance
de toutes choses, d’establir la seureté publique ; en vn mot,
de vous faire voir vn siecle d’or. Mais ces Empiriques d’Estat,
ces Medecins non experimentez vous firent croire que vous estiez
malades, pour faire vne espreuue sur vous ; ou si vrayement
vous l’estiez, vous pristes de leurs mains des remedes plus forts,
plus violents, & plus dangereux que vostre maladie. Car quel suiet auiez-vous de vous plaindre, comme ie vous
l’ay remarqué cy-dessus ? Cinq années de la Regence s’estoient
écoulées sans que vous vous en fussiez apperceus. Pendant ces
iours de tranquillité & de bon heur vous n’auiez veu ny senty
l’establissement d’aucune nouueauté, les Prouinces, si vous prenez
leurs interests, auoient esté soulagées de plus du quart des
impositions, comme ie l’ay aussi remarqué, & qu’il est tres-vray,
le ministere, Messieurs, est chose si esleuée au dessus de vostre
portée, que vous n’auez point de droict de le contredire ; &
quand vous en auriez quelqu’vn, il ne vous desplaisoit pas en ce
temps là, vous viuez heureusement sous sa conduite, quest-ce
donc qui vous a excitez à souhaiter ce changement ? vous y auez
rencontré la ruine du public & la vostre ? Ne deuez vous pas,
rentrans en vous-mesmes pleurer auec des larmes de sang vostre
emportement, qui d’heureux que vous estiez, vous a rendus miserables
pour complaire à des ambitieux ? Et qui vous a fait oublier
le respect que vous deuez à vostre Souuerain, en vons esleuant
contre son authorité, de laquelle dépend vostre conseruation. le souhaiterois que traitant de bonne foy, quand mesme vostre
intention n’auroit pas esté mauuaise, & que vous auriez esté
lors surpris ; ie souhaiterois, dis-ie, que vous voulussiez auoüer s’il
n’est pas vray, que vostre condition est deuenuë pire qu’elle n’estoit
auparauant. Pour moy qui suis nay au cœur de vostre ville,
ie l’ay oüy dire à ceux d’entre-vous qui sont les moins passionnez,
& ie vous apprendray, qu’ayant voyagé par toute la France depuis
ce temps-là, ie n’ay esté en aucune contrée où les peuples ne
vous donnent mille maledictions, d’auoir esté les instrumens desquels le sont seruis ces Ambitieux reuoltez, pour faire sentir à
toute la France les miseres qu’elle a depuis souffert. Ie sçay mesme
de science certaine le scanda le qu’en ont conceu les Nations
estrangeres, ie dis celles-là mesmes qui profitent le plus de nos
desordres, & pour nous renfermer dans le Royaume, à present
que vous estes deuenus les instrumens & le soustien de la rebellion,
ie vous puis protester auec verité, que vous estes en execration
à toute la France. Car par tout l’on vous tient ou pour
des meschans & des ennemis du Roy, ou bien pour des insensez
& des stupides, qui sous des pretextes imaginaires vous laissez tiranniser
(comme vous faites) iusques à la perte de vos biens & à
la desolation de vostre paїs. Vous serez conuaincus de cette verité,
si vous remarquez par auance, que toutes les vnions pretenduës
auec les autres Parlemens & auec les autres villes, s’aboutissent
comme vous voyez à vous voir tous seuls.   Cette Declaration ainsi expediée & scellée, fut publiée en
Parlement sans aucune modiffication, aussi n’y auoit-il pas lieu d’y
en apporter puisque c’estoient eux-mesmes, chose assez estrange,
qui l’auoient dressée & redigée par escrit : mais comme les autres
Compagnies auoient fait solliciter auprés du Roy qu’elle leur fust
adressée ; Ils voulurent aussi proceder & deliberer sur l’enregistremẽt
d’icelle, & faire voir par les modificatiõs qu’ils y apporterent,
qu’ils pouuoient nuire à l’Estat & aux affaires du Roy, aussi bien
que le Parlement. Cette Declaration ne sembloit point estre la
matiere d’vne deliberation, puis que c’estoit vn assemblage & vne
compilation des choses resoluës dans la Chambre de S. Louis par
les Deputez de toutes les Compagnies. Neantmoins l’vne d’icelles
ordonna par l’Arrest d’enregistrement quil ne pourroit estre
faitaucun prest ou auance sur les reuenus du Roy, & fit deffences
à toutes personnes de l’entreprendre, sur peine de la vie. Le Roy en suitte deferant aux prieres & aux supplications tres-instãtes
que vous luy auiez fait, estoit reuenu à Paris le dernier iour
d’Octobre ; aprés auoir satisfait aux pretentions d’vn chacun, aux
despens de ses reuenus & de son authorité ; Il se proposoit de restablir
ses affaires & de mettre ordre aux fonds necessaires pour le
soustien de l’Estat, afin de faire subsister les Trouppes en quartier
d’hiuer, faire les recreuës necessaires, pouruoir aux despences de
la Marine, Artillerie, Galleres, pain de munition, & autres, les
reuenus de l’année qui s’en alloit experiante estoient consommez ;
en sorte que toutes ces despences se deuoient necessairement prendre sur les reuenus de l’année suiuante 1649. Il falloit que le
tout fut prest au Printemps pour s’opposer, mesme pour entre.
prendre sur les Ennemis de l’Estat ; qui faisoient de grands projets
sur la foiblesse & sur le decredit dans lequel les Compagnies de
Iustice auoient fait tomber le Roy : neantmoins les reuenus de sa
Maiesté ne pouuoient estre perceus si tost, ce qui est des Fermes
n’estoit payable qu’au quinziesme de May, & ce qui est des Tailles
à la fin d’Aoust. Les impositions n’estant & ne pouuant estre
acheuées plustost : Que faire doncques dans vn si fascheux détroit,
& vne telle necessité ? Le Roy fait rechercher aucuns de
ses Suiets, & particulierement ceux qui estoient ses creanciers,
à cause des auances faites sur les années precedentes, sous les offres
mesme de leur accorder quelque remboursement, s’ils vouloient
s’interesser en de nouuelles auances. Ils declarent ne le
pouuoir faire, en consequence des Arrests interuenus sur cette
Declaration, & il n’y eut pas moyen de les y faire resoudre.   Le Roy fut conseillé de faire expedier vne nouuelle Declaration
pour ce regard, elle fut seellée & enuoyée en la Chambre
des Comptes. C’est en cette occasion où les mauuaises volontez & les pernicieux
desseins commencerent à se manifester. L’on arriue, Messieurs,
à toutes choses par de certains degrez. Il est difficile que
des Suiets se puissent tout d’vn coup esleuer contre vne authorité
legitime & bien establie ; vos clameurs & vostre reuolte
auoient donné l’audace & la force aux gens de robbe, d’entreprendre
ce qu’ils auoient fait, & c’est cela mesme qui donne lieu
à des broüillons & à des mescontens de faire des proiets pour entreprendre
sur l’authorité Royale. Ils iugent bien qu’vn des plus
asseurez expediens, est celuy d’en sapper les fondemens par la necessité.
C’est pourquoy ils trauaillent puissamment à oster au
Roy tous les moyens de subsister. L’on tient pour cet effet des
Assemblées iour & nuict dans le cloistre Nostre-Dame, & en autres
diuers endroits : Vn Prelat de l’Eglise, lequel ioignant les
obligations de sa naissance, & les bien faits que ses ancestres ont
receus de la liberalité des Roys, depuis que Catherine de Medicis
les eut introduits en France, à celles que luy-mesme personnellement
auoit à la Reyne, deuoit estre inseparable des interests
du Roy. Ce Pasteur dessigné, qui estoit obligé par sa profession de seruir
d’exemple aux peuples, qui doiuent estre vn iour sousmis à sa conduite, se porte à engager ceux qu’il peut, dans les factions
que nous auons veuës depuis dans l’Estat. S’en rend luy mesme
le chef, par le seul interest, à ce qu’il disoit, qu’il auoit esté negligé ;
& que l’on n’auoit pas assez reconnu les soins & les peines
qu’il auoit pris la iournée que Broussel fut emprisonné. Il voulut
depuis faire croire que le Prince de Condé estoit de la partie.
L’euenement iustifia le contraire, ou du moins fit voir qu’il s’en
estoit retiré.   Ce Prelat excite quelques Docteurs & Curez à censurer l’vsage
de ces prests & auances, & de les faire passer pour des vsures.
L’on pratique & l’on cabale tant au Parlement, que quoy qu’il
en eust approuué l’vsage par la Declaration du mois d’Octobre,
ayant fait ordonner par icelle, que les interests & remises des
prests & auances ne seroient plus employez dans les comptans.
Il prend neantmoins resolution de se ioindre à cét obstacle : c’est
pour cela qu’il enuoye prier les Officiers de la Chambre des
Comptes, de vouloir concerter ensemble ce qu’il y auoit à faire
sur cette nouuelle Declaration. Cependant la fin de l’année 1648. approchoit, le Roy estoit
d’ailleurs informé de toutes les menées & de toutes les cabales
qui se pratiquoient dans la ville de Paris ; iusques à vouloir entreprendre
sur la liberté de sa personne, ainsi que sa Maiesté depuis
le declara ; elle prit resolution, par l’aduis de la Reyne Regente,
des Princes de son Sang, & des principaux de son Conseil
de sortir de Paris, pour trouuer plus facilement le remede à
ces desordres. C’est cette sortie qui se fit le iour des Roys de l’année 1649.
que l on vous a tant qualifiée enleuement, & qui seruit de matiere
à la Predication plus seditieuse qu’heureuse, que fit en l’Eglise
de Sainct Paul, au scandale de tous les bons, ce Prelat dont ie
viens de parler ; comme si le Roy pouuoit estre presumé enleué
quand il sort d’vne ville remplie de factieux, pour se retirer en vn
autre lieu, & qu’il sort accompagné de la Reyne Regente sa Mere,
des Princes de son Sang, de tous les Officiers de sa Couronne &
des plus grands du Royaume. C’est chose estrange de vostre genie, Messieurs, & de vostre
humeur, l’on vous enchante comme l’on veut & auec des illusions
foibles & ridicules, l’on vous fait iuger des choses par les plus affoiblies
apparences & les plus trompeuses qui se puissent imaginer,
vous trouuastes à dire à l’emprisonnement de Broussel, par ce qu’il se fit le iour d’vne réjouyssance publique, & cette sortie
vous paroist vn enleuement par ce qu’elle s’est faite de nuict, en
vne saison fort incommode : Ce sont cependant ces mesmes circonstances
qui vous deuoient faire comprendre la necessité de
cette sortie, & vous armer contre ceux qui en estoient la cause. Est-il
à croire que le Roy eust esté conseillé de sortir la nuict, si de iour
il l’eust peu faire raisonnablement ? N’estoit-il pas necessaire que
S. M. sortant, emmenast les principaux Officiers de sa Couronne
& de son Conseil, les principales personnes de sa Cour & ses
Domestiques ? Cela se pouuoit-il faire de iour ? N’auez-vous pas
assez tesmoigné quand vous vous emparastes des Portes de la
Ville à la pointe du iour, que si cette action n’eust dés-ja esté executée,
elle n’eust pas reussi ? Ne vous souuient-il pas que tout ce
qui se presenta aux Portes pour sortir fut arresté : que les chariots
allans par les ruës furent pillez ? Combien de temps ensuite fustes-vous
pour permettre la sortie des meubles necessaires au Roy ; à
faute desquels il souffrit de tres-grandes incommoditez ? Pourquoy
doncques auoir qualifié cette sortie necessaire, du nom d’enleuement,
par la circonstance du temps.   Qui voudroit, Messieurs, vous mettre deuant les yeux tous vos
emportemens sur ce sujet, vos crimes, vos laschetez & la legereté
ou imbecillité que vous aués eu, à croire tout ce que les factieux &
les Autheurs de ces tumultes vous ont meschamment inspiré,
pour se mettre à couuert sous vos reuoltes ; entreprendroit vn
ouurage, qui excederoit les termes que ie me suis proposé. C’est
pour quoy n’ayant dessein que de vous oster le voile de dessus les
yeux, & de vous faire voir la verité en son iour naturel sur l’occasion
des affaires presentes ; Ie ne m’y estendray pas dauantage.
Veu mesme qu’il est important à vostre honneur, que ce que vous
auez fait dans ces funestes rencõtres, soit enseuely, si faire se pouuoit,
dans vn eternel oubly, pour ne pas laisser ce mauuais exemple
à la posterité. Ie m’abstiendray mesme d’escrire en ce lieu toutes les intrigues,
les cabales & les factions qui s’esleuerent dans l’Estat : lesquelles
ayant pris leur naissance de vos reuoltes, ont depuis esté fomentées
par les mesmes causes, comme elles le sont encore à present.
Ce detail est reserué ailleurs. Ie vous representeray seulement en cet endroit trois choses
principales. La premiere, c’est que iusques à cette sortie l’on n’auoit
point encore entendu de voix dans vostre ville, s’escrier sur la conduite du Cardinal Mazarin, non seulement par ce que iusques
là les peuples ne s’estoient point meslez de censurer les
actions des Ministres d’Estat, mais aussi par ce qu’il ne s’estoit acquis
la haine de personne.   La seconde, c’est que cette sortie auoit esté conseillée par la
Reyne, par les Princes, & par les plus grands du Royaume qu’ils
authorisoient par leurs presences. La troisiéme, que le Roy sortant de Paris n’auoit aucun dessein
de vous assieger, ny de vous faire sentir aucun chastiment de vos
barricades & de vostre reuolte, il auoit oublié le tout, & vous
l’auoit pardonné. Les lettres & Declaration que S. M. enuoya,
iustiffierent assez ses intentions : & vous faisoient connoistre que
ce que S. M. desiroit de vous, c’estoit qu’à faute, par le Parlement
d’obeir, & se retirer pour quelque temps hors de Paris, vous employassiez
les forces de vostre ville pour les y obliger, en ce cas le
Roy vous promettoit de reuenir le lendemain dans vostre ville ;
& d’oublier tout ce qui c’estoit passé. En vn mot, le Roy vouloit
faire espreuue de l’affection des bons Bourgeois de la ville de Paris,
il vouloit reconnoistre par effect s’ils prefereroient l’interest
de quelques factieux au respect & à l’obeїssance qu’il doiuent à
leur Prince, mesme à la necessité dont vous estiez menacez. Si vous eussiez esté à l’Hostel de Ville ou au Palais, dire hautement,
que vostre intention estoit d’obeїr au Roy, que ceux qui
ne le voudroient pas faire, y seroient contrains ; qu’il n’estoit pas
iuste que le peuple tombast dans l’indignation du Roy, & souffrit
de la necessité pour des particuliers, vous eussiez terminé
dans la iournée mesme, ce qui vous a cousté tant de sang, tant de
biens, & ce qui a causé tant de maux, qui se sont respandus dans
tout le Royaume, le Roy fust rentré le lendemain dans sa ville,
laquelle à lors il eust peu auec iustice appeller sa bonne ville. Il y
fust venu sans force & sans trouppes, car il eust esté asseuré de vostre
cœur & de vostre fidelité. Mais au lieu de faire ce que vous deuiez en cette occasion, vous
prenez le change à vostre ordinaire, le Parlemẽt & les supports de
la Fronde qui se ioignirent à ses interests, sçauẽt bien que toutes
les fois que des sujets veulent faire la guerre à leur Souuerain, ils
ne manquent iamais de prendre des pretextes pour les attirer à
eux. C’est pourquoy animez de cet esprit de faction, ils vous
font croire que le Cardinal Mazarin, qui est vn estranger, vous a
rauy & enleué le Roy de nuict. Ils vous persuadent que les Princes, quoy que presens à cette action, n’y ont point apporté leur
consentement, que le Duc d’Orleans se doit ioindre à eux, &
vous le faisoient attendre de iour à autre, pour le proclamer Regent
du Royaume : que le Prince de Condé est aussi d’intelligence
auec eux, & que le C. Mazarin seul a resolu la perte de vostre
ville ; qu’il la veut affamer, & en faire perir tous les habitans.   Ainsi, Messieurs, au lieu de vous seruir du remede que vous
auiez en main contre le mal dont l’on vous menaçoit, vous prenez
dé la main de vos mauuais Conseillers le poison qui vous doit faire
mourir. Vous prenez la resolution de faire, & de souffrir la guerre.
Vous voyez en suite exercer sur vous des tyrannies, que les
Souuerains n’exercent point, comme si l’ennemy eust esté à vos
portes, l’on vous assuietist à des gardes penibles & de grands frais,
en vne saison tres-rude. L’on vous expose à des rencontres tres-perilleuses,
l’on fait des taxes sur vos maisons, l’on prend le bien
des particuliers, dont l’on fait recherche dans les lieux les plus cachez,
sans en excepter les sepulcres. Celuy qui n’y consent pas est vn Mazarin. Ce fut le mot par
lequel vous commençastes à expliquer vostre indignation, & à
qualifier les seruiteurs du Roy. Cependant vous souffrez des necessitez
extrémes, & vous vous sousmettez volontairement aux
Autheurs de toutes vos miseres. Mais vous n’en estes qu’à l’entrée,
vn abysme en attire vn autre. L’on recherche le secours de
l’ennemy de l’Estat. L’on enuoye des Deputez en Flandre, l’on
fait entrer l’Espagnol en France, leurs Agent sont receus & escoutez
en plein Parlement, vous vous en réioüyssez, l’on vous
en debite des nouuelles, l’on vous en chante des chansons dans
les places publiques, c’est ce qui vous diuertit. Y a-t’il aueuglement
ou letargie comparable à la vostre ? Ie passeray sous-silence ce qui se fit durant vostre pretendu siege.
Il suffira de dire que la saison pressante le Roy, de mettre en
campagne ses armées contre l’ennemy de l’Estat, S. M. se trouua
obligée d’accorder la Declaration de la Paix qui fut traitée à S.
Germain. Ainsi le mal ne fut que pallié, les Factieux éuiterent le
chastiment : & l’esprit de la faction a tousiours subsisté depuis, &
receu protection entiere dans vostre ville. S. M. reuint au mois
d’Aoust ensuiuant, elle y amena le C. Mazarin, on le reçoit auec
applaudissement, les Corps luy font complimens, les particuliers,
& des plus qualifiez, recherchent ouuertement ou secrettement
ses bonnes graces. Il est bien venu parmy vous, non seulement estant auec le Roy, mais allant en plusieurs endroits de la Ville
en son particulier.   Le reste de l’année 1649. se passe en vne infinité d’intrigues,
qui n’aboutissent & n’ont qu’vne fin de voir qui l’emportera à la
Cour, ou du Prince de Condé, ou du Coadiuteur. Les assemblées
frequentes de iour & de nuict, mesme en armes : l’assassinat resolu
du Prince de Condé sur le pont-neuf ; l’accusation intentée
contre le Duc de Beaufort, le Coadiuteur & Broussel, de laquelle
ils furent depuis deschargez, l’assassinat feint & imaginaire de
Ioly Conseiller au Chastellet, & la sedition excitée par le Marquis
de la Boulaye ; c’est ce qui vous entretient iusques à l’emprisonnement
des Princes, qui arriua le 18. Ianuier 1650. Les causes & les raisons de cet emprisonnement furent veuës en
vne lettre que le Roy en escriuit au Parlement. Ce qui s’en est
dit de particulier, c’est que le Duc d’Orleans y contribua plus
que personne, par l’entremise de la Duchesse de Chevreuse. Souuenez-vous
que vous en allumastes des feux, vous fistes boire
tous les passans pour marque de la ioye que vous en eustes Ie fais
cette remarque expressément pour vous reprocher vostre inconstance
& vostre legereté ; puisque vn an aprés vous estes sortis au
nombre de trois cens mille hors de vostre ville, pour vous aller
reioüyr de sa liberté. Accordez ces bizarres changemens. Le
Prince de Condé lors de son emprisonnement estoit l’autheur de
vos miseres, & le C. Mazarin en ce temps-là estoit tres-innocent.
Vn an aprés, vos esprits changeans comme les saisons, vous le
croyez opprimé par ce Cardinal, l’esloignement duquel vous
demandez comme le seul remede des miseres publiques. En suite de cet emprisonnement, le Roy va dans ses Prouinces
de Normandie & de Bourgongne. Il est obey par tout, vne seule
ville en Bourgongne fait resistance, elle est aussi-tost emportée,
de là S. M. vient à Paris, la ville de Bordeaux, laquelle comme
la vostre auoit tousiours soustenu les factieux & les rebelles,
prend l’occasion de se sousleuer de nouueau en faueur du Prince
de Condé. Le Roy est conseillé d’y aller en personne faire cesser
ce trouble. Toutes les villes de la Prouince, & toute la Noblesse
luy rendent vne entiere obeїssance. Il n’y a que Bordeaux, suiet à
semblables reuoltes aussi bien que vous, que la Noblesse entreprend
de mettre à la raison les factieux de vostre ville, assistez de
vos clameurs, s’interessent en l’affaire, ils obtiennent du Duc
d’Orleans qu’il se trouuast par plusieurs fois au Parlement. L’on en depute par deuers le Roy, pour l’obliger d’accorder vne Paix,
indigne de l’authorité Royale, à des Suiets rebelles.   En ce faisant on rauit au Roy vne victoire toute certaine, & ce
par le seul interest de l’apprehension qu’ils auoient de voir des factieux
& des rebelles chastiez, de crainte de l’estre en suite. C’est
auec regret, qu’il m’a eschappé de dire que le Roy fut contraint
d’accorder cette Paix, mais comme l’on n’en proposoit les expediens
qu’auec menaces de voir de semblables reuoltes dans Paris,
si l’on ne terminoit celle de Bordeaux par les voyes de douceur ;
ie dis la verité sans interesser l’authorité Royale. Souuenez-vous, Messieurs, que pendant l’absence du Roy il
n’y auoit iour que vous ne leussiez auec ioye des Libelles diffamatoires,
dont la prodigieuse quantité, & la qualité maligne, n’a
pas esté vn des moindres artifices pour allumer le feu par tout.
Souuenez-vous qu’il n’y auoit heure, que vous n’entendissiez auec
plaisir des chansons honteuses & infames, contre les personnes
les plus augustes : que vous ne vissiez des placards affichez aux
poteaux des places publiques, qui tendoient à sousleuer le peuple ;
l’on crioit aux Mazarins sur ceux qui entreprenoient de les
oster. L’Archiduc vient auec vne puissante armée iusques à Fismes,
aprés auoir rauagé & desolé la Champagne, il se campe à
Basoches. L’on vous dit qu’il vient vous donner la Paix, mais
qu’il la veut traiter auec le Duc d’Orleans, & non auec la Cour,
parce que le Mazarin l’empesche. Et vous estes si stupides de
croire que l’ennemy ancien de l’Estat vous apporte la paix. Des
volleurs de nuict attaquent par vn pur hazard le carrosse du Duc
de Beaufort ; plustost qu’vn autre ; vous voulez absolument que le
Mazarin l’air fait faire. Ces voleurs sont condamnez à la roüe.
Auant l’execution on les applique à la question extraordinaire.
Ils reconnoissent tous la verité, & declarent vnanimement &
sans varier, que c’est par vn pur hazard qu’ils se sont adressez au
carrosse de ce Duc, qu’ils en attendoient mesme vn autre. Ils
perseuerent en public iusques à la mort en cette declaration. Nõobstant
vous dites que les Iuges sont corrompus & que le Mazarin
a fait entreprendre cet assassinat. Au mesme temps l’on attache
des tableaux de ce Cardinal aux poteaux publics, auec des
inscriptions infames ; les Magistrats vont pour les faire oster, ils
ne sont pas en seureté de leurs vies, l’on court sur eux & sur tous
ceux qui les assistent. La qualité qu’il a de Ministre d’Estat, outre
celle de Prince de l’Eglise, l’honneur qu’il a d’estre bien venu du Roy, ne vous arrestent point. Vous vous portez à tous exceds,
parce qu’ils déplaisent au Roy.   Sa Maiesté estant de retour à Fontainebleau ; donna ordre
pour transferer les Princes au Havre de Grace, puis s’en reuint à
Paris au mois de Nouembre 1650. Cette translation opere vn effet
tout contraire aux esperances d’vn chacun. Par vne nouuelle
conspiration de la caballe, les deux partys contraires, celuy du
Prince & celuy des Frondeurs se reunissent. L’on tient des assemblées
indeuës iour & nuict contre l’authorité du Roy, l’on y resout
l’esloignement du C. Mazarin & la liberté des Princes, sous
plusieurs conditions. Et entre autres, d’vn chapeau de Cardinal
pour le Coadiuteur, qui ne l’auoit peu obtenir de la Cour, quelques
menaces qu’il eust fait faire par la Duchesse de Chevreuse,
& du mariage de la fille de cette Duchesse auec le Prince de Conty.
Ce qui vous doit bien faire connoistre, que l’interest & l’ambition
ont esté les ressorts continuels de ces mouuemens. Pour l’execution de ces proiets, l’on fait vn estat asseuré de
vous, l’on sçait que vous auez vne disposition perpetuelle à croire,
& à faire toutes les choses que l’on voudra, & qui sont contre
les interests du Roy. L’on ne fait qu’attendre le retour du C. Mazarin.
Ce Ministre qui ne s’occupoit à destruire de mauuaises caballes
que par de bonnes actions, & les artifices malins que par la
sincerité de ses seruices. estoit allé sur les frontieres de Champagne,
auec des forces considerables, pour reprendre Rethel. Ce
dessein luy reussit heureusement. Il reuint triomphant aprés auoir
emporté Rethel, & fait combatre l’armée ennemie, qui fut deffaite. Il y auoit apparence que le C. reuenant à Paris, apres vne action
si memorable & si auantageuse deust receuoir toutes les acclamations
des Peuples. En vne autre saison vne personne qui eust agy
auec le zele & le succes qu’il auoit fait, vn homme qui eust rendu
à l’Estat vn seruice si important & si illustre que de reduire les
Ennemis à demander la paix comme ils firent, voyans qu’il n’auoient
plus rien à esperer des partis formez dans le Royaume, eust
receu toutes les reconnoissances & toutes les recompenses qui
sont deües à de semblables actions. Mais il en arriue tout au contraire. Les deux partis du Prince &
des Frondeurs vnis emsemble, preuoyans qu’aprés leurs forces
ruïnées & abbattues, la paix general estant concluë, il n’y auoit
plus rien qui peust seruir d’obstacle au restablissement de l’authorité Royale, que le chastiment des factieux n’eust en suite dependu
que de la volonté du Roy, resoluent de faire vn dernier effort ;
par lequel ils puissent en mesme temps emporter la liberté
des Princes, & faire sortir le C. Mazarin hors du Royaume.   Le Coadjuteur & la Duchesse de Chevreuse se chargent de
mesnager cette affaire auprés du Dnc d’Orleans, & tous les interessez
agissent de leurs costé. Le Parlement qui auoit approuué
l’emprisonnement des Princes, sa Majesté luy en ayant expliqué
les motifs par ses lettres, se porte à faire des remonstrances. Le
Duc d’Orleans sabstient d’aller au Palais Royal, & d’assister au
Conseil, protestant de n’y point aller iusques à ce que le C. Mazarin
soit esloigné de la Cour. Il va au Parlement. L’on y rend des
Arrests, par lesquels on ordonne des remonstrances pour la liberté
des Princes, & pour l’esloignement du Cardinal : qu’vn Parlement
entreprenne de demander l’esloignement d’vn Ministre,
qui vient de mettre en liberté des Prouinces entieres par la desroute
des ennemis de l’Estat : & d’opiniastrer à mesme temps la
liberté des Princes dont l’humeur & le ressentiment ne manqueroient
pas de se porter à des guerres ciuiles. C’est chose estrange,
mais que S. A. Royale qui auoit eu si grande part dans cet emprisonnement,
& qui a si notable interest de defendre l’authorité
Royale, se porte à ces sortes de resolutions. Qu’vn fils de France
donne cet auantage à vn Parlement, que d’apprendre par sa bouche
les choses les plus secrettes qui s’estoient passées dans les Conseils
du Roy, & de solliciter des Arrests sur des affaires de cette
nature. C’est chose qui fut veuë auec estonnement, & qui fit bien
iuger aux plus sensez les suites & les consequences de cette entreprise. Tout cela neantmoins, Messieurs, estoit peu considerable si l’on
ne vous eust engagé dans l’affaire ; car que les Princes entreprennent
tout ce qu’ils leur plaira, contre les intentions du Roy : que
le Parlement & toutes les Compagnies s’y ioignent ; si vous sçauez
discerner la verite d’auec les pretextes, par lesquels on sçait vous
surprendre, ce seront des entreprises vaines & sans effet, si vous
sçauez ne vous attacher iamais à d’autres interests qu à ceux du
Roy, comme vous y estes obligez & vous contenir dans l’obeïssance ;
vous verrez tousiours tous leurs efforts inutils, & toutes les
factions qui s’esleueront estouffées dans leur naissance. Mais comme l’on fut informé que les chefs de cette entreprise
estoient asseurez de vous, pour l’execution, iusques à vous faire prendre les armes & hazarder les dernieres extremitez : le Roy
vsant de la prudence necessaire en ces rencontres voulut bien
consentir à la retraite du C. Mazarin : & luy mesme aima mieux
se retirer, que d’estre le pretexte de quelque emportement extraordinaire,
qui eust engagé trop auant l’authorité Royale.  

=> Afficher la page
=> Afficher la notice

Occurrence 423. Anonyme. ARTICLES ET CONDITIONS DONT SON ALTESSE... (1652) chez [s. n.] à Paris , 8 pages. Langue : français. Voir aussi B_5_29. Référence RIM : M0_424 ; cote locale : B_13_38. le 2012-04-13 10:45:10.

ARTICLES
ET CONDITIONS DONT
SON ALTESSE ROYALLE
ET MONSIEVR
LE PRINCE,
Sont conuenus pour l’expulsion
du C. Mazarin hors du
Royaume, en consequence
des Declarations du Roy
& des Arrests des Parlements
de France interuenus
sur icelles.

A PARIS,

M. DC. LII. ARTICLES ET CONDITIONS
dont son Altesse Royalle & Monsieur le
Prince sont conuenus pour l’expulsion du
Cardinal Mazarin hors du Royaume, en
consequence des Declarations du Roy &
des Arrests des Parlements de France interuenus
sur icelle. QVE son Altesse Royale, & Monsieur le
Prince, sont prests de poser les Armes, &
raprocher de la personne de sa Majesté; de
rentrer dans les Conseils, & de contribuer en ce
qui dependra d’eux pour procurer la Paix generale,
remettre les affaires, & restablir l’authorité
Royale, s’il plaist à sa Majesté, de commander en
bonne foy, au C. M. de sortir du Royaume & des
Places de son obeyssance, d’esloigner de ses Conseils
& d’aupres de sa personne les proches les
adherans, & de recuser sincerement les Declarations
qu’il a données sur ce sujet, en sorte que sadite
Altesse Royale & Monsieur le Prince ayent lieu
d’estre persuadez, que l’on ne violera plus la Foy
Publique. 2. Que si au contraire les artifices du C. M. preualent
sur l’esprit du Roy, & que contre les vœux
& les sentimens de toute la France, & au preiudice
des Declarations, l’on perseuere à le maintenir,
la qualité d’Oncle de sa Majesté qu’a son Altesse
Royale, l’obligeant continuellement à veiller au
bien du Royaume, & s’opposer à ce qui peut troubler
pendant le bas aage de sadite Majesté. Et
Monsieur le Prince ne pouuant se dispenser d’auoir
les mesmes sentimens pour l’honneur qu’il a
d’estre du Sang Royal; & considerant aussi qu’ils
ne peuuent trouuer aucune seureté pour leurs
Personnes pendant que le C. M. sera le Maistre des
affaires; ont promis & se sont obligez reciproquement,
& s’obligent tant pour eux, que Monsieur
le Prince, particulierement pour Monsieur le Prince
de Conty, & Madame la Duchesse de Longueuille
sa sœur, ausquels ils promettent & s’obligent de
faire ratifier le present Traicté aux mesmes conditions
qu’eux, Comme aussi pour ceux qui sont
dans leu s’interests communs, d’entrer en vnion,
& de ioindre leurs forces, employer leur credit &
leurs amis pour procurer l’exclusion du C. M. hors
du Royaume, & l’esloignement de ses proches
& des adherans qui sont declarez tels pour le continuel
commerce qu’ils ont auec luy, hors de la
Cour & des affaires. 3. Ils promettent de ne point poser les Armes
iusques à ce qu’ils ayent obtenu l’effet de l’article cy-dessus, & de n’entendre directement ny indirectement
à aucun accommodement, qu’à cette
condition & d’vn commun consentement.   4. Ils maintiendront & augmenteront les Trouppes
qu’ils ont sur pied autant qu’il leur sera possible,
& les feront agir conjoinctement ou separement
ainsi qu’ils trouueront pour le mieux, promettant
en outre d’apporter tous les soins pour les
faire subsister auec le moins d’incommodité qui se
pourra faire pour les Peuples. 5. Ils promettent d’accepter volontiers tous les
expediens raisonnables qui leur seront proposez
pour la pacification du Royaume, aux conditions
de l’exclusion du C. M. portées par le second article,
& de trauailler incessamment pour l’establissement
de la Paix generale, qui est vne des principales
fins du present Traicté, à laquelle sans doute,
il n’y aura plus d’obstacle, quand celuy qui a voulu
la continuation de la guerre sera esloigné, & la
reünion de la Maison Royale qu’il a empescheé si
long temps, sera solidement restablie. 6. Son Altesse Royale & Monsieur le Prince,
promettent de maintenir les Parlemens, les Cours
Souueraines du Royaume, les Principaux Officiers
de l’Estat, la Noblesse & toutes les personnes
de condition dans tous les Priuileges, & de leur
faire faire raison sur les pretentions legitimes qu’ils
pourront auoir de ne faire aucun Traicté sans leurs
participations, & qu’on ne leur ayt reparé les torts
& pertes qu’ils pourroient auoir fait en consequence de celuy-cy, & particulierement d’empescher
qu’il ne soit donné atteinte à l’obseruation de la
Declaration du 22. Octobre 1648. & pour cét effet
ils sont conuiez d’entrer en la presente Vnion
& de concourir aux fins pour lesquelles elle est
establie.   7. Le C. M. qui a tousiours gouuerné en effet,
quoy qu’il fust banny en apparence, ayant empesche
l’Assemblée des Estats generaux, dont le
Roy auoit promis la conuocation au 8. Septembre
1651 & ayant obligé les Deputez qui s’estoiẽ trouuez
à Tours au iour prefix, de se retirer auec honte
& confusion; Et sçachant d’ailleurs qu’il ne changera
pas sa conduite qu’il a tenuë, & qu’il empeschera
par tous moyens l’effet qu’on attend de leurs
deliberations, ou que s’il est capable de consentir
qu’ils s’assemblent, ce ne sera que pour les mettre
dans vn lieu, où il soit le Maistre. Son Altesse
Royale & Monsieur le Prince pour obuier à ces
deux inconueniens, promettent & s’obligent de
trauailler incessament, afin de les conuoquer dans
Paris, ou dans la ville la plus prochaine & la plus
commode, en sorte qu’il puissent agir auec vne
pleine liberté, au quel cas ils declarent qu’il soumettent
de tres bon cœur ce qu’ils ont d’interest,
qu’ils protestent n’estre autres que ceux du Roy &
de l’Estat, à leur decision, dont il sera dressé vn
Edit perpetuel & irreuocable pour estre ver fié
dans le Parlement de Paris, & dans tous ceux qui
seront entré dans la presente Vnion. 8. Son Altesse Royalle & Monsieur le Prince ne
pouuant tenir pour legitime ny reconnoistre le
Conseil qui a esté estably par le C. M. vn de ceux
qui le composent, ayant acheté son employ auec
vne notable somme d’argent qu’il a donnée audit
C. M. & estant obligé chacun selon le degré du
sang dont il ont l’honneur de toucher sa Majesté,
d’auoir soin de ses affaires, en sorte qu’elles soient
bient gouuernées, promettent de n’entendre à aucun
accommodement que les Creatures & Adherents
publics dudit Cardinal M. ne soient exclus
du Conseil d’Estat, & à condition qu’il ne sera
composé que de ceux dudit Conseil & d’autres
qui ne peuuent estre soupçonnés d’auoir aucune
part auec luy 9. Et d’autant que les Ennemis de Monsieur le
Prince voulloient decrier sa conduite, en publiant
qu’il a des liaisons auec les Estrangers, S. A. R. &
Monsieur le Prince declarent qu’ils n’auront iamais
commerce ny correspondance auec eux, que
pour l’establissement de la Paix generalle, & qu’ils
n’en prendront aucune à l’aduenir auec aucuns
Princes Estrangers, quelle n’a testé iugée auantageuse
au seruice du Roy & de l’Estat, par le Parlement
& personnes principalles qui entreront dans
la presente Vnion. 10. Et afin que les plus mal intentionés & les personnes
plus attachées à la fortune dudit C. M. Son
Altesse Royalle & Monsieur le Prince ont estimé à
propos de declarer expressement par cet article qu’ils n’ont autre interest que celuy de l’entiere
seureté de leur personne, & soit qu’ils fassent des
progres pendant que le malheur de l’Estat les obligera
d’employer leurs armes pour l’expulsion du
C. M. ou que les affaires s’accommodent par son
exclusion, ainsi qu’il a esté cy-destus expliqué, de
ne prendre aucuns nouueaux establissemens, &
de trouuer leur entiere satisfaction dans celle qu’aura
la France de voir la fin des troubles & la tranquillité
publicque asseurée.   11. Son Altesse Royale, & Monsieur le Prince ont
estimé neantmoins à propos par bonnes considerations
de conuenir qu’ils procureront de tout leur
pouuoir dans l’acommodement qui se pourra faire
des satisfactions iustes & raisonnables de tous
ceux qui sont presentement engagez dans la cause
commune, ou qui s’y ioindront cy apres, en sorte
qu’ils reçoiuent des marques effectiues de leurs
protestations autant qu’il leur sera possible. 12. Ce present Traicté a esté signé double par son
Altesse Royale, & par les Sieurs Comte de Fiesque
& de Gaucourt, pour & au nom de Monsieur le
Prince, le Prince de Conty, & Madame la Duchesse
de Longueville, en vertu du pouuoir qu’en a
donné Monsieur le Prince, & qui a esté presentement
remis és mains de son Altesse Royale, par
ledit sieur Comte de Fiesque, lesquels se sont obligez
& s’obligent de fournir leurs ratifications dans
vn mois au plus tard. Faict à Paris le 24. Ianuier
1652, Signé, GASTON, Charles Leon de Fiesque,
Ioseph, de Gaucourt.

FIN.